Jæja elskurnar þá er akkúrat ein vika liðin síðan ég flutti til Vínar and I´m lovin it! 
Ég kvaddi Lenna á Kaupmannahafnarflugvellinum að hádegi síðasta sunnudag og var komin til Vínar einum og hálfum tíma síðar. Á einhvern undarlegan hátt tókst mér að tjekka mig inn með mín 31kg án þess að borga yfirvigt! Ég þakka Guði fyrir þennan elskulega afgreiðslumann sem hleypti mér í gegn, var annars farin að sjá fyrir mér dýra byrjun á ferðalaginu. Kristín vinkona var svo elskuleg að taka á móti mér í Vín og hjálpaði mér að bera allt hafurtaskið heim til hennar þar sem ég fékk að gista fyrstu dagana. Ég var reyndar núþegar komin með íbúð, en þar sem ég fékk að vita að herbergið mitt væri gjörsamlega tómt, varð ég að minnsta kosti að redda mér rúmi fyrst. Ég fór svo og skoðaði herbergið með Kristínu strax á mánudaginn. Ég hafði aldrei séð né talað við stelpuna sem ég var að fara að legja með, bara skrifað nokkur e-mail og fengið sendar myndir. Gatan heitir Wiedner Hauptsraße og er í 5. hverfi Vínar. Þetta er mjög gömul bygging og er íbúðin stór með hátt til lofts og nýuppgerðum gluggum sem er frábært þar sem gatan er stór og mikil traffík á hverjum degi. Herbergið mitt er um 25 fm. og eins og áður skrifað alveg tómt! Mér líst mjög vel á þetta allt saman og held ég sé frekar heppin með meðleigjanda, mjög fín, þýsk stelpa frá Köln og er á aldri við mig og í sama skóla Ég fór semsagt strax í málið að reyna að finna ódýr húsgögn og var bennt á flóamarkað sem seldi ýmislegt notað og gamalt. Ég er núþegar búin að fara nokkrum sinnum þangað og búin að kaupa það allra mikilvægasta, meira að segja hjól! Mesta vesenið var að finna rúm, það var of dýrt að fara í IKEA og of dýrt að kaupa notuð rúm þar sem það kostar svo mikið að flytja það svo ég endaði á að fá nokkra þýska vini sem voru á bíl til að sækja fyrir mig springdýnu sem ég keypti af einhverjum gaur Svo núna er ég sátt og sef svona líka fínt á þessari dýnu á gólfinu.
Einhverra hluta vegna á ég nú alltaf eftir að hugsa um hann Lennart þegar í lít út um gluggan minn....:
Annars tók ég fyrstu dagana í í að hjóla aðeins um hverfið og reyna að rata...ferðast þó alltaf um með kort í töskunni minni, þar sem ég er ekki sú besta í að rata eins og þið flestar nú kannski vitið. Er þó ekki enn búin að fara í leikinn okkar Margrétar "að villast í ókunnugri stórbrog" hehe. Hverfið mitt er fínt og flutt af kaffihúsum og pöbbum og ég veit ekki hvað og hvað hérna í grenndinni.
Ég og meðleigjandinn minn, hún Theresa, erum búnar að fara tvisvar út síðan ég flutti inn, sem er nokkuð gott! Hún er ágæt í enskunni en talar inná milli þýsku við mig og ég reyni allt hvað ég get að babla eitthvað...en er svo sannarlega orðin ryðguð. Dríf mig á þýskunámskeið í oktober. Talandi um október, haldiði ekki að mín sé á leiðinni á alvöru oktúberfest í München í næstu viku. Við Kristín erum búnar að fá gistingu, driver og þekkum tvo innfædda! Þannig að nú þurfum við bara að redda okkur einum svona:
Dirndl!
Strákarnir eiga núþegar "Lederhosen" svo við megum ekki vera útúr. Býst við að við keyrum á fimmtudaginn og gistum í tvær nætur. Held að planið sé líka að keyra upp á eitthvað fjall þar sem við munum hafa aðgang að einhverskonar skálum og getum gist þar öll....sjáum til hvernig þetta allt saman verður.
Annars var þetta allt að sinni, langaði svona rétt að láta vita af mér, kem vonandi með fleiri innlegg í framtíðinni. Ég er svo komin með austurrískt númer, set það bara hérna inn, ekki eins og margir aðrir en við skoði þessa síðu: +43 676 6406455
Laters elskurnar :*